KORRIGERINGER av Jonathan Franzen
KORRIGERINGER
av Jonathan Franzen,
Oversett av Jorunn og Arne-Carsten Carlsen. Cappelen forlag, 607 sider.
Oversett av Jorunn og Arne-Carsten Carlsen. Cappelen forlag, 607 sider.<br />
Boka handlar om familien Lambert i ein liten by i Midtvesten USA. Mora Enid startar juleførebuingane tidleg på våren og drøymer om å få til ei god gamaldags familiejul. Det ho «gløymer», er at familen eigentleg hatar å vera med kvarandre. Faren Alfred representerer ein autoritær og heller fjern farsfigur.Sonen Gary er bankmann med kone og barn. Han lever tilsynelatande eit normalt familieliv men alt er ikkje som det skal. Den andre sonen Chip underviser, og ser ut til å vera ein vellukka mann. Sanninga er at han er oppsagd etter å ha hatt eit forhold til ein av studentane. Dottera Denise er ein dyktig kokk men ofrar karrieren for ei anna kvinne. Alt dette veit sjølvsagt ikkje foreldra noko om. Ingen har gjort dei merksame på det, ingen har korrigert dei.
Kjernefamilien, sjølve ryggrada i det Amerikanske samfunnet, vert skildra med humor og ironi.
Kva skjer så når denne ryggrada ikkje held? Mora tviheld på draumen om det perfekte, medan verkelegheita er einsame menneske i ein dysfunksjonell familie.
Dette er ei bok for alle som er interessert i familie og familiestrukturar. Kva er ein god familie, og kva skal til for å skapa han? Slike spørsmål stilte eg meg etter å ha lese denne boka, og det gjorde at eg fann boka interessant. For lesarar som likte Lars Saabye Christensens «Halvbroren» er dette ei bok som truleg vil falla i smak.
Boka fekk «The National book award» i 2001, har fått gode kritikkar og selt over 900 000 eksemplar i USA.
Gro Elisabeth N. Reime
Hå Folkebibliotek
Redaktør -